దోహా:ఖతార్‌ ఫుట్‌బాల్‌ అసోసియేషన్‌, డొమెస్టిక్‌ ఫుట్‌బాల్‌ కాంపిటీషన్స్‌ 2019-20 వివరాల్ని వెల్లడించింది. జులై 24 నుంచి ఆగస్ట్‌ 26 మధ్యలో వీటిని పూర్తి చేయనున్నట్లు ఓ ప్రకటనలో పేర్కొంది క్యుఎఫ్‌ఎ. కరోనా వైరస్‌ నేపథ్యంలో, అన్ని మ్యాచ్‌లనూ రద్దు చేస్తూ కొద్ది రోజుల క్రితం క్యుఎఫ్‌ఎ వెల్లడించిన విషయం విదితమే. అన్ని రకాల జాగ్రత్తలు తీసుకుని, ఈ పోటీల్ని నిర్వహిస్తామని కెఎఫ్‌ఎ తాజాగా వెల్లడించింది. కరోనా వైరస్‌పై పోరాటంలో అలుపెరుగక శ్రమిస్తోన్న ప్రతి ఒక్కరికీ ఈ సందర్భంగా క్యుఎఫ్‌ఎ అభినందనలు, కృతజ్ఞతలు తెలిపింది. కరోనా వైరస్‌ నుంచి వీలైనంత త్వరగా బయటపడాలని ఆకాంక్షిస్తున్నట్లు క్యుఎఫ్‌ఎ పేర్కొంది.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)