యూఏఈ:కరోనా వైరస్‌ నేపథ్యంలో ట్రావెల్‌ రిస్ట్రిక్షన్స్‌ వల్ల వివిధ దేశాల్లో చిక్కుకుపోయిన యూఏఈ రెసిడెంట్స్(నివాసితులు)‌ జూన్‌ 1 నుంచి యూఏఈకి రావొచ్చు. ఇందుకు తగ్గట్టుగా మినిస్ట్రీ ఆఫ్‌ ఫారిన్‌ ఎఫైర్స్‌ అండ్‌ ఇంటర్నేషనల్‌ కో-ఆపరేషన్‌, ఫెడరల్‌ అథారిటీ ఫర్‌ ఐడెంటిటీ అండ్‌ సిటిజన్‌షిప్‌ ఓ ప్రకటన విడుదల చేసింది. జూన్‌ 1 నుంచి రెసిడెంట్స్‌ని యూఏఈలోకి అనుమతిస్తామనీ, స్మార్ట్‌ సర్వీసెస్‌ (ica.gov.ae.) ద్వారా రెసిడెంట్‌ ఎంట్రీ పర్మిట్‌ని పొందవచ్చునని అధికారులు తెలిపారు. కరోనా వైరస్‌ ఔట్‌బ్రేక్‌ కారణంగా వందలాది మంది యూఏఈ రెసిడెంట్స్‌ తమ కుటుంబాలకు దూరంగా విదేశాల్లో చిక్కుకుపోయారనీ, వారిని వారి కుటుంబ సభ్యులతో కలిపేందుకు మానవీయ కోణంలో ఈ నిర్ణయం తీసుకున్నామని అధికార యంత్రాంగం చెబుతోంది.