ఖతార్‌లో రెండ్రోజులపాటు నిర్వహించే కార్డియో పల్మనరీ రిససిటేషన్‌ (సిపిఆర్‌) ట్రైనింగ్‌ హమాద్‌ కార్పొరేషన్‌ ప్రారంభించింది. వందలాది మంది ఈ ట్రైనింగ్‌ ప్రోగ్రామ్‌లో పాల్గొన్నారు. అత్యవసర పరిస్థితుల్లో బాధితులను సేవ్‌ చేయడానికి ఈ ట్రైనింగ్‌ ప్రోగ్రామ్‌ ఎంతగానో ఉపయోగపడ్తుందని డాక్టర్‌ ఖలీద్‌ అబ్దుల్‌నూర్‌ సైఫెల్‌దీన్‌ చెప్పారు. గుండె నొప్పి వచ్చిన పది నిమిషాల సమయం అత్యంత కీలకమని ఈ సందర్భంగా వైద్యులు చెప్పారు. వైద్య సహాయం అందే వరకూ అత్యవసర చికిత్స సిపిఆర్‌ మాత్రమేనని, ఈ విభాగంలో ప్రతి ఒక్కరిలోనూ అవగాహన పెంచడం ముఖ్యమని నిర్వాహకులు తెలిపారు. రానున్న రోజుల్లో సిపిఆర్‌ ట్రైనింగ్‌ ప్రోగ్రామ్స్‌ని విస్తృతంగా చేపడ్తామని వారు చెప్పారు.