షార్జా:షార్జా ఎకనమిక్‌ డెవలప్‌మెంట్‌ డిపార్ట్‌మెంట్‌ (ఎస్‌ఇడిడి), పలు లేడీస్‌ అండ్‌ జెంటిల్‌మెన్స్‌ సెలూన్స్‌ని ఎమిరేట్‌లో మూసివేయడం జరిగింది. కరోనా వైరస్‌ ప్రికాషనరీ మెజర్స్‌ పాటించకపోవడంతో వీటి మూసివేతకు ఆదేశాలు జారీ అయినట్లు అధికారులు తెలిపారు. ఎస్‌ఇడిడి ఈ మేరకు పలు ఇన్‌స్పెక్షన్స్‌ నిర్వహించింది. స్టాఫ్‌ అలాగే విజిటర్స్‌ మాస్క్‌లు ధరించడం, గ్లోవ్స్‌ ధరించడం చేయాల్సి వుంది. సర్వీస్‌ కోసం ముందుగా అపాయింట్‌మెంట్‌ తీసుకోవాలి. వీటితోపాటుగా సెలూన్‌ని ఎప్పటికప్పుడు శానిటైజ్‌ చేయాల్సి వుంటుంది. ఏ సంస్థ అయినా సంబందిత నిబంధనలు పాటించకపోతే ఉపేక్షించే ప్రసక్తే లేదని ఎస్‌ఇడిడి హెచ్చరించింది. ఉల్లంఘనలకు సంబంధించి సాధారణ వ్యక్తులు ఫిర్యాదు చేయడానికి 80080000ని సంప్రదించాలని ఎస్‌ఇడిడి సూచించింది. షార్జా ఎకనమిక్‌ సోషల్‌ మీడియా అకౌంట్‌ @Sharjaheconomic అలాగే కన్స్యుమర్‌ ప్రొటెక్షన్‌ వెబ్‌సైట్‌ (www.sedd.ae) ని కూడా సందర్శించవచ్చు.

--బాలాజీ(మాగల్ఫ్ ప్రతినిధి,షార్జా)