మస్కట్‌: అరేబియా సముద్రంలో లో ఎయిర్‌ ప్రెజర్‌సిస్టమ్, డిప్రెషన్‌గా మారిందని, దోఫార్‌ గవర్నరేట్‌కి 200 కిలోమీటర్ల దూరంలో ఇది వుందని పబ్లిక్‌ అథారిటీ ఆఫ్‌ సివిల్‌ ఏవియేషన్‌ పేర్కొంది. రానున్న 48 గంటల్లో ఇది దోఫార్‌ గవర్నరేట్‌ తీరం వైపుగా వచ్చే అవకాశాలున్నాయి. ఈ నేపథ్యంలో సముద్రం వైపుకు ఎవరూ వెళ్ళడం మంచిది కాదని అధికారులు సూచిస్తున్నారు. ప్రతి ఒక్కరూ ఇంటి వద్దనే వుండాలనీ, అత్యవసరమైతేతప్ప బయటకు రావద్దని సుప్రీం కమిటీ సూచిస్తోంది.