రోడ్డు ప్రమాదాల్లో అసలేం జరిగిందో తెలుసుకోవడానికి యూఏఈ ట్రాఫిక్‌ కౌన్సిల్‌ కొత్త నిర్ణయం తీసుకుంది. ఈ నిర్ణయం ప్రకారం ప్రతి కారులోనూ విధిగా డాష్‌ బోర్డ్‌ కెమెరాను ఏర్పాటు చేసుకోవలసి ఉంటుంది. తద్వారా, యాక్సిడెంట్‌ జరిగినప్పుడు ఎవరిది తప్పు అనేది తెలుసుకోవడం వీలవుతుందని అధికారులు చెప్పారు. ఒక్కోసారి వాహనాలను వేగంగా పోనిచ్చి, ప్రమాదాలకు కారణమైనవారు తప్పించుకుంటున్నారనీ, కొన్నిసార్లు తాము తప్పు చేసి ఇతరులపై ఆ తప్పుని నెట్టివేస్తున్నారనీ కెమెరాలను ఏర్పాటు చేయడం ద్వారా ఇలాంటి సమస్యలకు పరిష్కారం దొరుకుతుందని ఫెడరల్‌ ట్రాఫిక్‌ కౌన్సిల్‌ ఛైర్మన్‌ మేజర్‌ జనరల్‌ మహమ్మద్‌ సైఫ్‌ అల్‌ జఫిన్‌ చెప్పారు.