దోహా:ఖతార్ లోని లభించే మెట్రోఫార్మిన్ కలిగిన ఔషధ ఉత్పత్తులన్ని సురక్షితమైనవని ఆ దేశ ఆరోగ్య మంత్రిత్వ శాఖ సూచించింది. అంతేకాదు..మెట్రోఫార్మిన్ కలిగిన ఔషధాలు అన్ని ఎన్-నైట్రోసోడిమెథైలామైన్(NMDA) ఫ్రీ అని కూడా స్పష్టత ఇచ్చింది. ప్రభుత్వ, ప్రైవేట్ ఔషధ ఉత్పత్తులను ల్యాబ్ లో పరిశీలించి అధ్యాయనం చేసిన తర్వాత ఈ విషయాన్ని రూఢీ చేసింది. అంతేకాదు..ఖతార్ కు వచ్చే మెట్రోఫార్మిన్ కలిగిన ఔషధాలను ఎప్పటికప్పుడు డ్రగ్ కంట్రోల్ ల్యాబ్ లో పరిశీలించి, దాని పరిణామాలను విశ్లేషించ ప్రక్రియను కొనసాగిస్తామని కూడా ఆరోగ్య శాఖ అధికారులు వెల్లడించారు. అలాగే అంతర్జాతీయ సంస్థలు, నియంత్రణ వ్యవస్థలతో ఎప్పటికప్పుడు సమాచార మార్పిడి చేసుకుంటూ తదనుగుణంగా నిర్ణయాలు తీసుకుంటామని తెలిపారు.

మెట్రోఫార్మిన్ కలిగిన ఔషధాలలో పరిమిత మోతాదుకు మించి NMDA ఉందని, దీని ద్వారా క్యాన్సర్ సోకే ప్రమాదం ఉందని అమెరికా ఫుడ్ & డ్రగ్స్ అడ్మినిస్ట్రేషన్, యూరోపియన్ మెడిసిన్ ఏజెన్సీలు హెచ్చరించిన విషయం తెలిసిందే. ఈ సమాచారంతో అప్రమత్తమైన ఖతార్ ఆరోగ్య శాఖ మెట్రోఫార్మిన్ లో NMDA మోతాదుపై ఎప్పటికప్పుడు విశ్లేషణ చేస్తూ ఈ మేరకు ప్రకటన చేసింది. ఖతార్ కు వచ్చే మెట్రోఫార్మిన్ మాత్రల్లో NMDA పరిమిత మోతాదులోనే ఉందని స్పష్టం చేసిన ఆరోగ్య శాఖ..డయాబెటిస్ పేషెంట్లకు చికిత్స అందించటంలో భాగంగా మెట్రోఫార్మిన్ కలిగిన మాత్రలను నిస్పందేహంగా వాడొచ్చని కూడా సూచించింది. డయాబెటిస్ కంట్రోల్ చేసేందుకు మెట్రోఫార్మిన్ దోహదపడుతుందని..వాటిని వినియోగాన్ని ఆపొద్దని సూచించింది. 

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)