మనామా:జనరల్‌ డైరెక్టరేట్‌ ఆఫ్‌ ట్రాఫిక్‌, ఉదయం 6 గంటల నుంచి మధ్యాహ్నం రెండు గంటల వరకు ఆదివారం నుంచి గురువారం వరకు టెన్నికల్‌ ఇన్‌స్పెక్షన్‌ సర్వీసెస్‌ని వాహనాలకు అందించనుంది. ఈ విషయాన్ని అధికారికంగా ప్రకటించారు. ప్రతి ఒక్కరూ ఈ అవకాశాన్ని సద్వినియోగం చేసుకోవాలనీ, వెహికిల్‌ రిజిస్ట్రేషన్‌ గడువు తీరడానికి మూడు నెలలకు ముందుగానే అలర్ట్‌ అవడం మంచిదని అధికారులు సూచిస్తున్నారు. కాగా, ఎలక్ట్రానిక్‌ సర్వీసెస్‌ని రౌండ్‌ ది క్లాక్‌ వినియోగించుకోవచ్చని డైరెక్టరేట్‌ పేర్కొంది. వ్యక్తిగత హాజరు తప్పనిసరైన విషయాలకు మొబైల్‌ అప్లికేషన్‌ స్కిప్లినో యాప్‌ ద్వారా అపాయింట్‌మెంట్‌ పొందాలని సూచించింది. కరోనా వైరస్‌ నేపథ్యంలో ఈ సరికొత్త విధానాల్ని అమల్లోకి తెస్తున్నారు.