సౌదీ: సౌదీ అరేబియా నగరమైన దమ్మామ్‌లోని మసీదుకు చెందిన ఇమామ్ కు కరోనా సోకిందని అనుమానం కలుగగా ఆ మసీదును తాత్కాలికంగా మూసివేస్తున్నట్టు సౌదీ మీడియా గురువారం నివేదించింది.  సౌదీ లో మసీదులు తిరిగి తెరిచిన కొద్ది రోజుల తరువాతే ఈ ఘటన చోటుచేసుకోవడం గమనార్హం.

తనకు కరోనా లక్షణాలు కనిపిస్తున్నాయని ప్రాంతంలోని మంత్రిత్వ శాఖకు మరియు భక్తులకు ఇమామ్ స్వయంగా వాట్సాప్ ద్వారా ఈ విషయం తెలియజేయగా వెంటనే అప్రమత్తమైన ఇస్లామిక్ వ్యవహారాల మంత్రిత్వ శాఖ, మసీదును మూసివేసింది. తాత్కాలిక మూసివేత సమయంలో మసీదు పూర్తిగా క్రిమిరహితం చేయబడుతుందని తెలిపిన అధికారులు.

కాగా, ప్రజలు తగిన జాగ్రత్తలు తీసుకుంటూ క్రమంగా సాధారణ జీవితానికి తిరిగి రావాలనే ప్రణాళికకు అనుగుణంగా సౌదీ లో మక్కా మినహా 900,000 మసీదులను ఆదివారం తిరిగి తెరిచిన తరువాత ఇదే మొదటి షట్డౌన్.