ఎముకలు కొరికె చలిలో పనులు చేస్తున్న ప్రజలు గతవారం రోజులుగా గల్ఫ్ దేశాలు తీవ్ర చలితో అల్లాడుతుండగా కొన్ని దేశాలలో  మంచు కురుస్తుండడంతో పౌర జీవనం స్తంభించిపోయింది. సౌదీ అరేబియా మరియు కువైట్‌లోని కొన్ని ప్రాంతాలలో మంచు విపరీతంగా కురుస్తోంది. చలి కారణంగా నీళ్ళు గడ్డ కట్టడంతో నీళ్లు తాగడానికి కూడా ప్రజలు వెనుకాడుతున్న పరిస్థితి. ఎడారులలో ఒంటెలు కాసే పశువుల కాపరులు మరియు రోడ్లు, నీటి సరఫరా ప్రాజెక్టులలో పని చేసే వారి పరిస్ధితి అత్యంత ఘోరంగా ఉంది. సౌదీ అరేబియాలోని తబూక్, ఆరార్, ఉత్తరాది ప్రాంతాలలో గత వారం రోజులుగా కురుస్తున్న మంచు కారణంగా ఈ ప్రాంతాలలోని వ్యవసాయ క్షేత్రాలు మరియు నిర్మాణ రంగ సైటులలో పని చేస్తున్న ప్రవాసీ కార్మికుల పరిస్ధితి దయనీయంగా ఉంది. 

మైనస్ 10 డిగ్రీల చలి మరియు మంచులో బయట అడుగు పెట్డడమె కష్టంగా ఉండగా తవ్వకం పనులు చేయడం ఎలా అని ఆరార్‌లోని నీటి  చలి మరియు మంచుతో గిరాకి లేకపోవడంతో పూర్తిగా నష్టపోతున్నట్లు ప్రజలు తెలిపారు.ఎడారులలో తీవ్ర చలి కారణాన వేడి కోసం తమ తమ గదులలో బొగ్గు కుంపట్లు పెట్టుకోవడంతో పొగ ఎక్కువయి ఊపిరాడక మరణించే భారతీయ కార్మికుల సంఖ్య  చలికాలంలో ఎక్కువగా ఉంటుంది. మంచు కారణంగా రియాధ్, దమాం, కువైత్ మరియు ఇతర అనేక నగరాలలో పాఠశాలలో ఉదయం వేళ ప్రార్ధన, ప్రతిజ్ఞ కార్యక్రమాలను రద్దు చేశారు.