మస్కట్:రాయల్ ఒమన్ పోలీసులు అంతర్జాతీయ డ్రగ్స్ ముఠాను మస్కట్ లో అరెస్ట్ చేశారు. ముఠాలో మొత్తం ముగ్గురు సభ్యులు ఉన్నారని, అందులో ఒకరు ఒమన్ కు చెందిన వ్యక్తి ఉన్నారని కూడా పోలీసులు వెల్లడించారు. అరెస్టైన గ్యాంగ్ నుంచి 40 హషీష్ మత్తు పదార్ధాలను స్వాధీనం చేసుకున్నట్లు తెలిపారు. అలాగే 1,029 సైకోట్రోపిక్ మాత్రాలు, రెండున్నర గ్రాముల హెరాయిన్, అరకిలో ఓపియమ్ ను స్వాధీనం చేసుకున్నట్లు రాయల్ ఒమన్ పోలీసులు వివరించారు.