యూఏఈలో 12 ఏళ్ళ లోపు వయసున్న చిన్నారులకు మాల్స్‌ అలాగే రెస్టారెంట్ల లోకి అనుమతించనున్నట్లు ఓ సీనియర్‌ అధికారి వెల్లడించారు. నేషనల్‌ క్రౌసిస్‌ అండ్‌ ఎమర్జన్సీ మేనేజ్‌మెంట్‌ అథారిటీ (ఎన్‌సిఇఎంఎ) అధికార ప్రతినిది¸ మాట్లాడుతూ, అన్ని పబ్లిక్‌ ఫెసిలిటీస్‌ స్టెరిలైజేషన్‌ పూర్తయ్యిందనీ, ఇది కొనసాగుతుందనీ చెప్పారు. దుబాయ్‌ మెట్రోతో సహా అన్ని పబ్లిక్‌ ఫెసిలిటీస్‌, పబ్లిక్‌ ట్రాన్స్‌పోర్టేషన్‌ కూడా స్టెరిలైజేషన్‌ చేయడం జరిగిందని అన్నారు. జూన్‌ 18న దుబాయ్‌లో 12 లోపు చిన్న పిల్లలు, అలాగే వృద్ధుల మూమెంట్‌పై నిషేధాన్ని ఎత్తివేయడం జరిగింది. కాగా, ఓ కారులో ముగ్గురు వ్యక్తులు మాత్రమే ప్రయాణించాలన్న నిబంధన కొనసాగుతుందని అధికారులు తెలిపారు. ఒకే కుటుంబానికి చెందిన సభ్యులకు ఈ ముగ్గురు వ్యక్తుల నిబంధన వర్తించదు. మరోపక్క, పబ్లిక్‌ గేదరింగ్స్‌కి మాత్రం అనుమతి లేదని అధికారులు తేల్చి చెప్పారు.