సౌదీ జైల్లో ఖైదీలు ఫేస్‌ మాస్క్‌లను తయారు చేయడంలో శిక్షణ పొందారు. కరోనా వైరస్‌ నేపథ్యంలో ఫేస్‌ మాస్క్‌ల వినియోగం పెరిగిన విషయం విదితమే. ఫేస్‌ మాస్క్‌ల వినియోగం తప్పనిసరి అయ్యింది కూడా. ప్రతిరోజూ సుమారు 500 ఫేస్‌ మాస్క్‌లను ఖైదీలు తయారు చేస్తున్నారని దమ్మామ్ జైలు చీఫ్‌ లెఫ్టినెంట్‌ కల్నల్‌ సౌద్‌ అల్‌ ఖహ్తాని చెప్పారు. మహిళా జైలులో 250 ఫేస్‌ మాస్క్‌లు తయారవుతున్నాయని ఆయన తెలిపారు. ఇటీవలే సౌదీ అథారిటీస్‌, కర్‌ఫ్యూని దేశంలో పూర్తిగా తొలగించడం జరిగింది. అయితే, నిబంధనలు మాత్రం ఖచ్చితంగా పాటించాల్సి వుంటుంది.