దుబాయ్:ఎమిరేట్స్ లోటో జాక్ పాట్ కొట్టబోయే అదృష్టవంతడు ఎవరో రేపు తేలిపోయే అవకాశాలు ఉన్నాయి. గత పదివారాలుగా ఊరిస్తున్న Dh50 మిలియన్ల బంపర్ ఆఫర్ కనీసం శనివారం నాటి డ్రాలోనైనా దక్కుతుందా అనే ఉత్కంఠ నెలకొంది. అలాగే గత వారం డ్రాలో సెకండ్ విన్నర్ దక్కాల్సిన Dh1 మిలియన్ల ప్రైజ్ మనీని కూడా ఎవరూ గెలుచుకోలేకపోయారు. దీంతో సెకండ్ ప్రైజ్ మనీకి మరో Dh1 మిలియన్ల సొమ్ము జతకూడింది. అంటే రేపటి డ్రాలో సెకండ్ విన్నర్ కి Dh2 మిలియన్ల ప్రైజ్ మనీ దక్కనుంది. ఒక వేళ రేపు కూడా ఎవరూ సెకండ్ ప్రైజ్ గెలుచుకోలేకపోతే వచ్చే వారానికి అది Dh3 మిలియన్లకు పెరుగుతుంది. సెకండ్ ప్రైజ్  గెలుచుకోవాలంటూ ఆరు నెంబర్లలో ఐదు నెంబర్లు మ్యాచ్ కావాల్సి ఉంటుంది. అలాగే జాక్ పాట్ ప్రైజ్ కు ఆరుకు ఆరు నెంబర్లు మ్యాచ్ కావాలి. తొలి ఫత్వా ఆమోదం పొందిన ఎమిరేట్స్ లోటో డ్రా ఫలితాలను రేపు రాత్రి 9 గంటలకు www.emiratesloto.com ద్వారా లైవ్ లో ప్రకటిస్తారు.