కువైట్ సిటీ:కరోనా కట్టడి కోసం పకడ్బంది చర్యలు తీసుకుంటున్న కువైట్ అధికారులు..అంక్షలను ఉల్లంఘించిన వారిపై కఠిన చర్యలు తీసుకుంటున్నారు. కువైట్ లోని పలు ప్రాంతాల్లో కర్ఫ్యూ నిబంధనలు ఉల్లంఘించిన ఏడుగురిని పోలీసులు అరెస్ట్ చేశారు. ఇందులో ఆరుగురు కువైటీయులు ఉండగా..మరొకరు ప్రవాసీయుడు ఉన్నాడు. కర్ఫ్యూ నిబంధనల ఉల్లంఘనకు సంబంధించి జహరలో ముగ్గురు, ఫర్వానియాలో ఒకరు, అహ్మదిలో ముగ్గుర్ని పోలీసులు అరెస్ట్ చేశారు. వారిపై కేసులు నమోదు చేసి న్యాయవిచారణకు తరలించారు.