కువైట్‌ ఎలక్ట్రిసిటీ లోడ్‌ ఇండెక్స్‌ సరికొత్త రికార్డ్‌ని తాకింది. అత్యధిక వినియోగం నమోదయ్యింది. గత ఏడాది నమోదైన 14,700 రికార్డ్‌ని అధిగమించి 14,778 మెగా వాట్స్‌గా నమోదయ్యింది. అయితే, వినియోగం విషయంలో ఎలాంటి సవాళ్ళనైనా స్వీకరించేందుకు మినిస్ట్రీ ఆఫ్‌ ఎలక్ట్రిసిటీ సిద్ధంగా వున్నట్లు అధికారులు పేర్కొన్నారు. అత్యధికంగా ఈ ఏడాది 15,600 మెగవాట్స్‌ డిమాండ్‌కి చేరుకోవచ్చని అంచనా వేస్తున్నట్లు మినిస్ట్రీ తెలిపింది. వేసవి తీవ్రత నేపథ్యంలో విద్యుత్‌ వినియోగం పెరుగుతోంది.