రియాద్:కింగ్ సల్మాన్ ఆరోగ్యం ప్రస్తుతం నిలకడగానే ఉందని, అతని ఆరోగ్య పరిస్థితిపై ఆందోళన చెందాల్సిన అవసరం లేదని విశ్వసనీయ వర్గాలు సమాచారం అందించాయి. సౌదీలో రెండు పవిత్ర మసీదుల పోషకుడైన కింగ్ సల్మాన్ అనారోగ్య కారణంగా గత సోమవారం రియాద్ లోని కింగ్ ఫైసల్ స్పెషలిస్ట్ ఆస్పత్రిలో చేరిన విషయం తెలిసిందే. ఆయనకి వైద్య పరీక్షలు నిర్వహించిన డాక్టర్లు గాల్ బ్లాడర్ లో సమస్య ఉన్నట్లు చెబుతున్నారు. అయితే..అది ఏమంత ప్రమాదకరమైన సమస్య కాదని తెలిపినట్లు సమాచారం. కింగ్ సల్మాన్ ఆస్పత్రిలో చేరిన విషయం బయటికి తెలియగానే సౌదీలోని వివిధ రాష్ట్రాల పాలకులు ఆయనకు ఫోన్ చేసి ఆరోగ్య పరిస్థితిపై వాకబు చేశారు. ప్రపంచవ్యాప్తంగా కింగ్ సల్మాన్ శ్రేయోభిలాషులు ఆయన త్వరగా కోలుకోవాలని ప్రార్థనలు చేస్తూ ట్వీట్లు చేశారు.