కువైట్ సిటీ:మార్చి 14 నుంచి జులై 31 వరకు క్యాన్సిలేషన్‌ లేదా రిఫండ్‌కి సంబంధించి ప్రయాణీకులకు పూర్తి హక్కులున్నాయని డైరెక్టర్‌ జనరల్‌ ఫర్‌ సివిల్‌ ఏవియేషన్‌ స్పష్టం చేయడం జరిగింది. ఈ మేరకు ఓ సర్క్యులర్‌ని కూడా జారీ చేశారు. కువైట్‌ అంతర్జాతీయ విమానాశ్రయం మూసివేత కారణంగా నష్టపోయిన ప్రయాణీకులకు క్యాన్సిలేషన్‌ లేదా రిఫండ్‌ చేసుకోవడానికి పూర్తి హక్కులు ఈ సర్క్యులర్‌ కల్పిస్తుంది. మార్చి 14 నుంచి 31 జులై వరకు కువైట్‌ అంతర్జాతీయ విమానాశ్రయాన్ని కరోనా లాక్‌డౌన్‌ నేపథ్యంలో మూసివేసిన విషయం విదితమే. ట్రావెల్‌ టికెట్స్‌, హోటల్‌ రిజర్వేషన్లు అలాగే టూరిస్టు సర్వీసులకు ఇది వర్తిస్తుంది. రిజర్వేషన్ల కండిషన్ల నుంచి పూర్తిస్థాయిలో మినహాయింపులు ఈ సమయానికి వర్తిస్తాయి.