సొట్టబుగ్గల సుందరి ప్రీతీ జింతా త్వరలో పెళ్లిపీటలెక్కనుంది. అమెరికాకు చెందిన ఫైనాన్షియల్‌ ఎనలిస్ట్‌ జీన్‌ గుడ్‌ఇనో ప్రీతీ కొంతకాలంగా ప్రేమించుకుంటున్నారు. ఫిబ్రవరి 12న వీరిద్దరూ ఓ ఇంటివారు కాబోతున్నట్లు బాలీవుడ్‌ వర్గాల సమాచారం. ఇదివరకు ఈ పెళ్లి కబుర్లపై స్పందిస్తూ ప్రీతి అవన్నీ పుకార్లేనని ఓ ఇంటర్వ్యూలో చెప్పింది. ఇప్పుడు 12 నుంచి 16 వరకు ఐదు రోజుల పాటు లాస్‌ఏంజెల్స్‌లో వీరి వివాహ వేడుకలు ఘనంగా జరగనున్నట్లు తెలుస్తోంది. అయితే ఈ విషయమై ప్రీతీ ఇప్పటికీ మీడియాకి దూరంగానే ఉంది.