షార్జా: 350కి పైగా ఇల్లీగల్‌ మార్కెట్స్‌పై అధికారులు ఉక్కుపాదం మోపారు. వీటిల్లో గడువు తీరిన ఆహార పదార్థాల్ని విక్రయిస్తున్నట్లు అధికారులు గుర్తించారు. ఈ సందర్భంగా 173 టన్నుల ఫుడ్‌ అలాగే ఫేక్‌ కాస్మొటిక్స్‌ వంటివాటిని స్వాధీనం చేసుకుని, ద్వంసం చేశారు. షార్జా మునిసిపాలిటీ డైరెక్టర్‌ జనరల్‌ తాబిత్‌ అల్‌ తరైఫి మాట్లాడుతూ, సివిక్‌ బాడీ మొత్తంగా 40 బృందాల్ని రంగంలోకి దించి, తనిఖీల్ని నిర్వహించడం జరిగిందని అన్నారు. సమ్మర్‌ వెకేషన్‌ని అడ్వాంటేజ్‌గా తీసుకుని వెండర్స్‌ అక్రమాలకు పాల్పడుతున్నట్లు చెప్పారాయన. దేశంలో అక్రమంగా నివసిస్తున్నవారే ఇలాంటి కార్యకలాపాలకు ఎక్కువగా పాల్పడుతున్నట్లు పేర్కొన్నారు. 993 నెంబర్‌కి ఈ తరహా అక్రమాల పట్ల సామాన్యులు ఫిర్యాదు చేయవచ్చని అధికారులు సూచించారు.