దోహా:కరోనా వ్యాప్తిని నియంత్రించేందుకు క్వారంటైన్ నిబంధనలను ఖతార్ ప్రభుత్వం కట్టుదిట్టంగా అమలు చేస్తోంది. ఎవరైనా నిబంధనలు ఉల్లంఘిస్తే కఠిన చర్యలు తీసుకుంటోంది. హోం క్వారంటైన్ నిబంధనలు పాటించని మరో నలుగురిపై ఖతార్ ఆరోగ్య శాఖ అధికారుల సూచన మేరకు పోలీసులు కేసు నమోదు చేశారు. వారిపై చట్టారిత్యా చర్యలు తీసుకుంటామని అధికారులు వెల్లడించారు. ప్రజా ఆరోగ్య మంత్రిత్వ శాఖ సూచనల మేరకు ఎవరైనా క్వారంటైన్ లో ఉండాల్సి వస్తే వారు ఖచ్చితంగా గడువు ముగిసే వరకు స్వీయ నిర్బంధంలోనే ఉండాలని అధికారులు సూచించారు. లేదంటే వారిపై చట్టారిత్యా చర్యలు తప్పవని, అరెస్ట్ తో పాటు జరిమానా కూడా ఎదుర్కొవాల్సి ఉంటుందని హెచ్చరించారు. 

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)