సిరియా రాజధాని డమాస్కస్‌లోని పోలీస్‌ క్లబ్‌పై జరిగిన కారు బాంబు దాడిలో పలువురు మృతి చెందినట్లు సమాచారం. దీని సమీపంలోనే రద్దీగా ఉండే కూరగాయల మార్కెట్‌ ఉండటంతో ప్రభావం మరింత తీవ్రంగా ఉండవచ్చని భావిస్తున్నారు. సిరియన్‌ అబ్జర్వేటరీ ఫర్‌ హ్యూమన్‌ రైట్స్‌ నివేదిక ప్రకారం ఎనిమిది మంది మృతి చెందగా 20 మంది వరకు తీవ్రంగా గాయపడ్డారు. గాయపడిన వారిలో చాలా మంది పరిస్థితి ఆందోళనకరంగా ఉండటంతో మృతుల సంఖ్య మరింత పెరగవచ్చని ఈ సంస్థ పేర్కొంది. ఓ ఫిదాయి(ఆత్మాహుతి బాంబర్‌) పేలుడు పదార్థాలతో నిండిన ఓ కారును పోలీస్‌ క్లబ్‌ వద్దకు నడుపుకొంటూ వచ్చి పేల్చేసినట్లు తెలుస్తోంది.