రస్‌ అల్‌ ఖైమా:రస్‌ అల్‌ ఖైమా ఎకనమిక్‌ డిపార్ట్‌మెంట్‌, ఓ వెడ్డింగ్‌ హాల్‌ని మూసివేస్తూ నిర్ణయం తీసుకుంది. జరీమానా కూడా విధించడం జరిగింది. కరోనా ప్రికాషనరీ మెజర్స్‌ తీసుకోవడంలో వైఫల్యం చెందిన కారణంగా ఈ చర్యలు తీసుకున్నారు. మాస్క్‌లు ధరించకపోవడం, సోషల్‌ డిస్టెన్సింగ్‌ పాటించకపోవడం వంటి ఉల్లంఘనల నేపథ్యంలో వెడ్డింగ్‌ హాల్‌ మూసివేతకు నిర్ణయం తీసుకున్నట్లు అధికారిక వర్గాలు పేర్కొన్నాయి. నిర్వాహకులపై చట్టపరమైన చర్యలు తీసుకుంటామని అధికారులు వెల్లడించారు. కాగా, అబుదాబీ పోలీస్‌, పెళ్ళి జరుగుతున్న ఇంటిని సందర్శించి, అక్కడ నిబంధనలకు విరుద్ధంగా వ్యవహరిస్తున్నవారికి జరీమానా విధించారు. 50,000 దిర్హాముల జరీమానా ఇలాంటి ఉల్లంఘనలకు విధించే అవకాశం వుంది.