దుబాయ్:కోవిడ్ 19 వ్యాప్తి నియంత్రణకు ప్రభుత్వం సూచించని నిబంధనలు పాటించని షాపులపై దుబాయ్ వాణిజ్య విభాగం అధికారులు కఠిన చర్యలు తీసుకుంటున్నారు. తాజాగా చేపట్టిన తనిఖీల్లో నిబంధనలు పాటించని ఓ కాఫీ షాప్ ను మూసివేశారు. ఫేస్ మాస్కులు ధరించపోవటం, భౌతిక దూరం పాటించకపోవటంతో షాపును మూసివేసినట్లు అధికారులు తెలిపారు. అలాగే ఇంటర్నేషన్ సిటీ, అల్ బదా ప్రాంతాల్లో నిర్వహించిన తనిఖీల్లో మొత్తం 12 షాపుల నిర్వాహకులు నిబంధనలు పాటించటంలో విఫలమైనట్లు గుర్తించారు. భౌతిక దూరం పాటించని ఏడు షాపులపై జరిమానా విధించామని, భౌతిక దూరం పాటించాలంటూ సూచించే స్టిక్కర్లను ప్రదర్శించని ఐదుగురు దుకాణుదారులను హెచ్చరించామని వెల్లడించారు. కోవిడ్ 19 నిబంధనలు విషయంలో దుకాణుదారులు తప్పకుండా జాగ్రత్తలు పాటించాల్సిందేనని అధికారులు మరోసారి సూచించారు. ఎవరైనా నిబంధనలు పాటించనట్లైతే వారిపై దుబాయ్ కన్సూమర్ యాప్ ద్వారా ఫిర్యాదు చేయవల్సిందిగా ప్రజలను కోరారు.