కువైట్ సిటీ:పౌర గుర్తింపు కార్డులకు సంబంధించిన 'కువైట్ మొబైల్ ఐడీ' యాప్ ను నవీకరిస్తూ అప్ డేట్ వర్షన్ (V1.5.4) ను లాంచ్ చేసింది ప్రభుత్వం. లేటెస్ట్ అప్ డేట్ వర్షన్ ఐఒఎస్ 14 ఆపరేటింగ్ సిస్టమ్ ఉన్న ఐఫోన్ లకు అనుకూలంగా ఉంటుందని కువైట్ పౌర సమాచార ప్రజా అధికార విభాగం వెల్లడించింది. కువైట్ నుంచి ఇతర దేశాలకు రాకపోకలకు సంబంధించి డిజిటల్ సివిల్ ఐడీలను కూడా పరిగణలోకి తీసుకోవాలని కువైట్ ప్రభుత్వం ఇటీవలె నిర్ణయం తీసుకున్న విషయం తెలిసిందే. ఈ నేపథ్యంలో కువైట్ మొబైల్ ఐడీ యాప్ అందరికీ కీలకంగా మారనుంది. ఈ నేపథ్యంలో మొబైల్ ఐడీ యాప్ అన్ని డివైజ్ లలో అందుబాటులో ఉండేలా ప్రస్తుత వర్షన్ ను అప్ డేట్ చేసినట్లు  పౌర సమాచార ప్రజా అధికార విభాగం వివరించింది.