హైదరాబాద్: ప్రస్తుత కోవిడ్-19 మహమ్మారి కాలంలో ప్రయాణీకుల భద్రతే విమానాశ్రయ ఆపరేటర్ల ప్రథమ ప్రాధాన్యతగా ఉన్న సందర్భంలో GMR ఆధ్వర్యంలోని హైదరాబాద్ అంతర్జాతీయ విమానాశ్రయం ఎయిర్‌పోర్ట్స్ కౌన్సిల్ ఇంటర్నేషనల్ (ACI) యొక్క ఎయిర్‌పోర్ట్స్ హెల్త్ అక్రిడిటేషన్(AHA)ను సాధించింది. ACI యొక్క ఏవియేషన్ బిజినెస్ రీస్టార్ట్ అండ్ రికవరీ గైడ్ లైన్స్ అండ్ మార్గదర్శకాలు మరియు ICAO (ఇంటర్నేషనల్ సివిల్ ఏవియేషన్ ఆర్గనైజేషన్) యొక్క కౌన్సిల్ ఏవియేషన్ రికవరీ టాస్క్ ఫోర్స్ (CART) యొక్క సిఫారసులతో పాటు హైదరాబాద్ అంతర్జాతీయ విమానాశ్రయం చేపట్టిన కఠినమైన ఆరోగ్య చర్యల కారణంగా ఈ గుర్తింపు దక్కింది. ఆసియా పసిఫిక్ ప్రాంతంలో ఈ గుర్తింపు పొందిన మొదటి విమానాశ్రయాల్లో హైదరాబాద్ విమానాశ్రయం ఒకటి.

వచ్చీవెళ్లే ప్రయాణికులు, బదిలీలు, ల్యాండ్‌సైడ్ ప్రాంతం (వచ్చీపోయే వారు), రవాణా సేవలు, ఆహార మరియు పానీయ సేవలు, ఎస్కలేటర్లు మరియు ఎలివేటర్లు, లాంజ్‌లు, బ్యాగేజ్ క్లెయిమ్ ఏరియా మొదలైన చోట్ల తీసుకున్న ఆరోగ్య, భద్రతాపరమైన చర్యలను ACI సమీక్షించింది. ఉద్యోగులు మరియు స్టేక్ హోల్డర్స్ భద్రత మరియు శ్రేయస్సు కోసం విమానాశ్రయం తీసుకున్న కార్యక్రమాలను కూడా ఈ సమీక్షలో పరిశీలించారు.

ప్రయాణీకుల విశ్వాసం పొందిన హైదరాబాద్ విమానాశ్రయం ఇప్పటికే పునరుద్ధరణ దారిలో ఉంది. ప్రస్తుతం, విమానాశ్రయం నుంచి రోజూ సుమారు 20,000 మంది డొమెస్టిక్ ప్రయాణీకులు ప్రయాణిస్తున్నారు. రోజూ సుమారు 200 విమానాల రాకపోకలు, కోవిడ్‌కు ముందు ఉన్న 55 దేశీయ గమ్యస్థానాలలో 51 గమ్యస్థానాల పునరుద్ధరణతో హైదరాబాద్ ఇప్పుడు భారతదేశంలో సెకెండ్ బెస్ట్ కనెక్టెడ్ విమానాశ్రయంగా గుర్తింపు పొందింది. ప్రయాణీకుల సంఖ్య పరంగా హైదరాబాద్ నుంచి మొదటి ఐదు గమ్యస్థానాలు - ఢిల్లీ, కోల్‌కతా, చెన్నై, బెంగళూరు మరియు ముంబై ఉన్నాయి.

ప్రదీప్ పనికర్, సీఈఓ, జీహెచ్‌ఐఎల్, “ప్రయాణీకులు మరియు మొత్తం విమానాశ్రయంలోని ఇతర భాగస్వాముల భద్రత పట్ల మాకున్న నిబద్ధతను ACI విమానాశ్రయం హెల్త్ అక్రిడిటేషన్ తెలియజేస్తుంది. ఇది అందరి సహకారంతోనే సాధ్యమైంది. ఈ సంక్షోభ సమయంలో పూర్తి నిబద్ధతతో పని చేసిన విమానాశ్రయంలోని సిబ్బంది అందరికీ మేము కృతజ్ఞతలు తెలియజేస్తున్నాము. ఈ అసాధారణ సమయంలో, హైదరాబాద్ అంతర్జాతీయ విమానాశ్రయం ప్రభుత్వ నూతన నియమాలను అనుగుణంగా చాలా వేగంగా స్పందించి, లాక్డౌన్ సమయంలో కూడా విమానాశ్రయ కార్యకలాపాలు సజావుగా సాగడానికి సహకరించింది. అదే సమయంలో ప్రతి ఒక్కరికీ అత్యంత ఆరోగ్య మరియు పరిశుభ్రతతో అత్యవసర సేవలను అందించింది” అన్నారు.

లూయిస్ ఫెలిప్ డి ఒలివేరియా, డైరెక్టర్ జనరల్, ఏసీఐ, ‘‘ACI విమానాశ్రయం హెల్త్ అక్రిడిటేషన్ పొందిన హైదరాబాద్ అంతర్జాతీయ విమానాశ్రయానికి మా శుభాకాంక్షలు.ఇది ప్రయాణికులు, వారి ఉద్యోగులు, భాగస్వాములు, ప్రజల ఆరోగ్యం, సంక్షేమం పట్ల వారికున్న నిబద్ధతను,ఆసక్తిని తెలియజేస్తుంది. విమానాశ్రయ కార్యకలాపాలు నిర్విరామంగా కొనసాగాల్సిన నేపథ్యంలో విమాన ప్రయాణంపై ప్రజలకు విశ్వాసం పెంపొందడం చాలా ముఖ్యం. ఈ సందర్బంలో అంతర్జాతీయ నాణ్యతా ప్రమాణాలు కలిగిన ఆరోగ్య, పారిశుద్ధ్య కార్యక్రమాల ద్వారా ప్రజలు, ప్రయాణికులకు అందించడం ద్వారా హైదరాబాద్ విమానాశ్రయం మిగతా వాటికి ఆదర్శంగా నిలుస్తోంది’’ అన్నారు. 

ప్రయాణీకుల భద్రత కోసం విమానాశ్రయం అంతటా అమలు చేయబడుతున్న కాంటాక్ట్-లెస్, భౌతిక దూరం, పరిశుభ్రత చర్యలు, క్రిమిసంహారక కార్యక్రమాలులాంటి ఆరోగ్య, పరిశుభ్రతా చర్యలకు ఈ అక్రిడిటేషన్ ఒక గుర్తింపు.

కోవిడ్-19 అనంతరం విమానాశ్రయం పున:ప్రారంభానికి ముందు ప్రయాణీకుల విశ్వాసాన్ని పునరుద్ధరించడానికి పరిశుభ్రత అన్నది ముఖ్యమైన ప్రమాణాలలో ఒకటిగా మారింది. అధునాతన డిసిన్ఫెక్షన్ చర్యలతో, ప్రయాణికులకు మరియు విమానాశ్రయంలో పని చేస్తున్న వారికి సురక్షితమైన స్క్రీనింగ్ అనుభవాన్ని, స్వచ్ఛమైన వాతావరణాన్ని అందించడానికి హైదరాబాద్ అంతర్జాతీయ విమానాశ్రయం నిరంతరం కృషి చేస్తోంది. కాంటాక్ట్-లెస్ చెకిన్ కియోస్క్‌లు, విమానాశ్రయంలోకి కాంటాక్ట్-లెస్ ప్రవేశం, ATRS (ఆటోమేటిక్ ట్రే రిట్రీవల్ సిస్టమ్) కోసం UV శానిటైజేషన్ టన్నెల్, సురక్షిత షాపింగ్ కోసం UV ఓవెన్స్, టచ్-లెస్ ఎలివేటర్, ఫాస్టాగ్ కార్ పార్కింగ్, విమానాశ్రయానికి వచ్చే అన్ని క్యాబ్‌ల శానిటైజేషన్ వంటివి వీటిలో కొన్ని.

కోవిడ్ మహమ్మారి నేపథ్యంలో విమానాశ్రయాలు అవలంబిస్తున్న నూతన ఆరోగ్య చర్యలు, విధానాలను పరిశీలించడానికి జూలై 2020 లో ACI ఎయిర్‌పోర్ట్స్ హెల్త్ అక్రిడిటేషన్(AHA)ను ప్రారంభించింది. ఈ కార్యక్రమంలో ఇంటర్నేషనల్ సివిల్ ఏవియేషన్ ఆర్గనైజేషన్ (ICAO) కౌన్సిల్ ఏవియేషన్ రికవరీ టాస్క్‌ఫోర్స్ (CART) సిఫారసులకు అనుగుణంగా విమానాశ్రయాన్ని శుభ్రపరచడం మరియు డిసిన్ఫెక్షన్, భౌతిక దూరం, సిబ్బంది రక్షణ, ఫిజికల్ లేఅవుట్, ప్రయాణీకుల సౌకర్యాలు వంటి వాటిని విధానాలను అంచనా వేస్తారు. ఈ CART మార్గదర్శకాలు -ACI ఏవియేషన్ బిజినెస్ రీస్టార్ట్ అండ్ రికవరీ గైడ్ లైన్స్, విమానాశ్రయాలలో ఆరోగ్యకరమైన ప్రయాణీకుల అనుభవానికి ACI యూరప్ మార్గదర్శకాలు, యూరోపియన్ యూనియన్ ఏవియేషన్ సేఫ్టీ ఏజెన్సీ (EASA)/ECDC COVID-19 ఏవియేషన్ హెల్త్ సేఫ్టీ ప్రోటోకాల్‌తో అనుసంధానమై ఉన్నాయి.