టాలీవుడ్ లో మల్టీ స్టారర్ సినిమాలకు మంచి ఆదరణ లభిస్తుంది. అది కూడా ఒకే కుంటుంబానికి చెందిన ఇద్దరు హీరోలు కలిసి నటిస్తే డబుల్ ధమాకాగా ఫీల్ అవుతారు అభిమానులు. అలాంటి డబుల్ ట్రీట్ ఇవ్వడానికి రెండో సారి రెడీ అవుతోంది మెగా ఫ్యామిలీ. ఇప్పటికే ఎవడు సినిమాలో బన్నీ, చెర్రీలు కలిసి నటించారు. ఆ సినిమాలో బన్నీ చేసింది చిన్న పాత్రే అయినా సినిమా సక్సెస్ కు వీరి కాంబినేషన్ చాలా ఉపయోగపడింది.అదే బాటలో మరో ఇద్దరు మెగా హీరోలు కలిసి నటించడానికి రెడీ అవుతున్నారు. పిల్ల నువ్వులేని జీవితం, సుబ్రమణ్యం ఫర్ సేల్ సినిమాల సక్సెస్ తో మంచి జోష్ లో ఉన్న మెగా మేనల్లుడు సాయిధరమ్ తేజ్ హీరోగా తెరకెక్కుతున్న సినిమా సుప్రీమ్.పటాస్ ఫేం అనీల్ రావిపూడి దర్శకత్వంలో తెరకెక్కుతున్న ఈ సినిమాలో ఓ అతిథి పాత్ర కోసం అల్లు శిరీష్ ను సంప్రదించారట. చిన్న పాత్రే అయినా.., కథకు కీలకం కావటంతో శిరీష్ కూడా ఈ సినిమాలో నటించడానికి అంగీకరించాడు. త్వరలోనే శిరిష్, సాయిల కాంబినేషన్ సన్నివేశాలను తెరకెక్కించనున్నారు.