షార్జా:అధునాతన సౌకర్యాలతో పార్కింగ్ వసతులను అభివృద్ధి చేసిన షార్జా మున్సిపాలిటీ..కొన్నాళ్లుగా వాటిని పెయిడ్ పార్కింగ్ గా మారుస్తూ వస్తోంది. ఇందులో
భాగంగా ఇటీవలో 4,100 పార్కింగ్ స్థలాలను పెయిడ్ పార్కింగ్ గా మారుస్తూ ఆదేశాలు జారీ చేసింది. ఇక ఇప్పుడు షార్జా మున్సిపాలిటీ పరిధిలోని మరో 3000 పార్కింగ్ స్థలాలను పెయిడ్ పార్కింగ్ జాబితాలో చేర్చింది. మువైలిహ్ 3లో -1,755, అల్ నహ్దా-651,  అల్ తావోన్-586 పార్కింగ్ స్థలాలను పెయిడ్ పార్కింగ్ గా మార్చినట్లు షార్జా మునిసిపాలిటీ అధికారులు తెలిపారు. పెయిడ్ పార్కింగ్ స్థలాలన్ని 24 గంటల పాటు వాహనదారులకు అందుబాటులో ఉంటాయని వెల్లడించారు. డబ్బు చెల్లించేందుకు టచ్ స్క్రీన్ లతో  స్టార్ట్ మీటర్లు ఏర్పాటు చేశామని, అవసరమైతే ఆన్ లైన్ లో కూడా డబ్బు చెల్లించవచ్చని వివరించారు.