మక్కా: జనరల్‌ ప్రెసిడెన్సీ ఫర్‌ ది ఎఫైర్స్‌ ఆఫ్‌ ది టు హోలీ మాస్క్స్‌, మంగళవారం వెబ్‌ బేస్డ్‌ ప్రోగ్రాం బయాన్‌ను ప్రారంభించింది. ఖురాన్‌ని పలు భాషల్లోకి ఈ ప్రోగ్రాం ట్రాన్స్‌లేట్‌ చేస్తుంది. ఖురాన్‌ ఎఫైర్స్‌ డిపార్ట్‌మెంట్‌ డైరెక్టర్‌ హమ్జాహ్‌ అల్‌ సాల్మి మాట్లాడుతూ, యాత్రీకులకు మెరుగైన సేవలు అందించడంలో ఇదొక కీలకమైన ముందడుగు అని అన్నారు. సంప్రదాయ అలాగే మోడర్న్‌ విధానాల్లో కొత్త కొత్తగా యాత్రీకుల ఆలోచనలకు తగ్గట్టుగా మార్పులు చేస్తున్నామని అన్నారు. కరోనా వైరస్‌ నేపథ్యంలో యాత్రీకుల భద్రత కోసం అనేక చర్యలు తీసుకుంటున్నామని చెప్పారు.