యూఏఈ: జీసీసీ దేశాలు సహా, వివిధ దేశాల్లోని ఇండియన్‌ సిటిజన్స్‌ ఇంటర్నేషనల్‌ డ్రైవింగ్‌ పర్మిట్స్‌ని రెన్యువల్‌ చేసుకోవడానికి ఎంబసీలు లేదా కాన్సులేట్స్‌ని సంప్రదించాలని సూచిస్తున్నారు. ఇంటర్నేషనల్‌ డ్రైవింగ్‌ లైసెన్స్‌ గడువు తీరిన భారతీయులు, ఇండియన్‌ ఎంబసీ లేదా మిషన్‌ అబ్రాడ్‌ పోర్టల్స్‌ ద్వారా అప్లికేషన్స్‌ సబ్‌మిట్‌ చేయాల్సి వుంటుంది. అవి ఆ తర్వాత వాహన్‌కి చేరుకుంటాయి. తర్వాత సంబంధిత ఆర్‌టివోలకు చేరతాయి. భారత ప్రభుత్వ ఇంటిగ్రేటెడ్‌ సిస్టం వాహన్‌ ద్వారా వాహన రిజస్ట్రేషన్‌, పర్మిట్ల జారీ అలాగే ట్యాక్సుల చెల్లింపు వంటివి జరుగుతాయి. సెంట్రల్‌ మోటర్‌ వెహికిల్స్‌ రూల్స్‌ 1989 ప్రకారం ఈ కొత్త ప్రొసిడ్యూర్‌ చెల్లుబాటవుతుంది. మార్పులు, చేర్పులకు సంబంధించి సూచనలు, సలహాలు 30 రోజుల్లోగా జాయింట్‌ సెక్రెటరీ (ఎంవిఎల్‌, ఐటీ మరియు టోల్‌), మినిస్ట్రీ ఆఫ్‌ రోడ్‌ ట్రాన్స్‌పోర్ట్‌ అండ్‌ హైవేస్‌, ట్రాన్స్‌పోర్ట్‌ భవన్‌, పార్లమెంట్‌ స్ట్రీట్‌, న్యూ ఢిల్లీ 110 001కి పంపవచ్చు. లేదా ఇ-మెయిల్‌ చేయవచ్చు.