అబుధాబి: అబుధాబి లో జనాభా ఎక్కువ వున్న ప్రాంతాల్లో డోర్‌ టు డోర్‌ కోవిడ్‌ పరీక్షల్ని విస్తృతంగా మెడికల్‌ బృందాలు నిర్వహిస్తున్నాయి. ఈ విషయాన్ని అబుధాబి గవర్నమెంట్‌ మీడియా వెల్లడించింది. డిపార్ట్‌మెంట్‌ ఆఫ్‌ హెల్త్‌ సహకారంతో ఈ ఉచిత పరీక్షల్ని అబుధాబి, సెహా, అబుధాబి పోలీస్‌, వాలంటీర్స్‌ నిర్వహిస్తున్నారు. అబుధాబి పోలీస్‌ కో-ఆర్డినేటర్‌ కెప్టెన్‌ డాక్టర్‌ ఐషా అల్‌ మామారి మాట్లాడుతూ, షకబౌత్‌ ప్రాంతంలో ప్రస్తుతం టెస్టులు నిర్వహిస్తున్నట్లు చెప్పారు. అబుధాబి లో మాస్‌ స్క్రీనింగ్‌ గత ఏప్రిల్‌లో ప్రారంభమైంది. ఇండస్ట్రియల్‌ ఏరియాస్‌లను ప్రధానంగా ఎంపిక చేసుకుని టెస్టులు నిర్వహించడం జరుగుతోంది.