రియాద్: స్పీడ్‌ రాడార్స్‌ని దొంగిలించిన కేసులో పది మందిని సౌదీ అరేబియాలో అరెస్ట్‌ చేశారు. మక్కా పోలీస్‌ అధికార ప్రతినిది¸ మేజర్‌ మొహమ్మద్‌ అల్‌ ఘామ్ది మాట్లాడుతూ, ఇద్దరు సౌదీలు అలాగే ఎనిమిది మంది యెమనీలను ఈ కేసులో అరెస్ట్‌ చేసినట్లు తెలిపారు. దొంగిలించిన వస్తువుల్ని నిందితుల నుంచి పోలీసులు స్వాధీనం చేసుకున్నారు. అర్బన్‌ సెంటర్స్‌లో గంటకు 80 కిలోమీటర్ల వేగం, హైవేలపై 140 కిలోమీటర్ల వేగంతో ఈ రాడార్లు లాక్‌ అయి వుంటాయి. కాగా, నిందితుల్ని పబ్లిక్‌ ప్రాసిక్యూషన్‌కి అప్పగించినట్లు పోలీసులు తెలిపారు.