సౌదీ అరేబియా, వలసదారులకు సంబంధించిన ఎగ్జిట్‌ వీసాల చెల్లుబాటు గడువుని అక్టోబర్‌ 31 వరకు ఉచితంగానే పొడిగిస్తున్నట్లు వెల్లడించింది. సౌదీ జనరల్‌ డైరెక్టరేట్‌ ఆఫ్‌ పాస్‌పోర్ట్స్‌, ఈ ఆటోమేటిక్‌ ఎక్స్‌టెన్షన్‌ని ప్రకటించడం జరిగింది. కింగ్‌ సల్మాన్‌ బిన్‌ అబ్దుల్‌ అజీజ్‌ సూచనల మేరకు ఈ నిర్ణయం తీసుకోవడం జరిగింది. సుమారు 28,884 మంది వలసదారులు ఈ నిర్ణయం ద్వారా లబ్ది పొందనున్నారు. కరోనా వైరస్‌ నేపథ్యంలో ఆయా వ్యక్తుల ఇబ్బందుల్ని దృష్టిలో పెట్టుకుని సౌదీ నాయకత్వం ఈ గొప్ప నిర్ణయం తీసుకున్నట్లు అధికారులు తెలిపారు.