హైదరాబాద్:సినీ నటుడు రాజశేఖర్ కుటుంబం కొద్ది రోజుల క్రితం కరోనా బారిన పడింది.. కుటుంబ సభ్యులంతా కోలుకున్నా రాజశేఖర్ మాత్రం ఆస్పత్రిలోనే ఉండి చికిత్స పొందుతున్నారు. ఆయనకు చికిత్స చేస్తున్న సిటీ న్యూరో సెంటర్ నటుడి ఆరోగ్య పరిస్థితిపై హెల్త్ బులెటిన్ కూడా విడుదల చేసింది. చికిత్సకు స్పందిస్తున్నట్లు పేర్కొంది. ఇదే విషయాన్ని రాజశేఖర్ భార్య పేర్కొంటూ ఆయన ఆరోగ్య పరిస్థితిపై అనేక వార్తలు వస్తున్నాయి. దయచేసి ఆ వదంతులను నమ్మొద్దు. ప్రస్తుతం ఆయన ఆరోగ్యం స్థిరంగా ఉంది.. ఇప్పుడిప్పుడే ఆయన కోలుకుంటున్నారు.