సౌదీ అరేబియా:సౌదీ నైరుతి ప్రాంతంలోని నస్సిర్ పర్వతాల్లో రాజుకున్న అగ్ని తీవ్రరూపం దాల్చింది. బుధవారం రాత్రి అగ్నిప్రమాదం చోటు చేసుకోగా..ఇప్పటికే పర్వత ప్రాంతంలోని 70 శాతంపైగా చెట్లు అగ్గికి ఆహుతయ్యాయి. మంటలను అదుపు చేసేందుకు అగ్నిమాపక సిబ్బంది ప్రయత్నాలను ముమ్మరం చేశారు. కొండ ప్రాంతం కావటంతో ఘటనా స్థలానికి వాహనాలను కూడా తీసుకెళ్లలేని పరిస్థితి నెలకొంది. మరోవైపు బలమైన గాలులు వీస్తుండటం మంటలను అదుపులోకి తీసుకురావటానికి అవరోధంగా మారుతోంది. ప్రతికూల పరిస్థితుల్లోనూ మంటల తీవ్రత సమీప నివాసిత ప్రాంతాలకు వ్యాపించకుండా అగ్నిమాపక సిబ్బంది తీవ్ర కృషి చేస్తోంది. అయితే..పర్వతాల్లో మంటలు చెలరేగటానికి కారణాలు ఏంటో అధికారులు ఇంకా స్పష్టత ఇవ్వలేదు.