కువైట్ లో కరోనాతో మరో పది మంది మృతి చెందారు. దీంతో ఇప్పటివరకు వైరస్ బారిన పడి మృతి చెందిన వారి సంఖ్య 740కి పెరిగింది. మరోవైపు  గడిచిన 24 గంటల్లో కొత్తగా మరో 812 మందికి కరోనా పాజిటివ్ గా నిర్ధారణ అయ్యింది. కువైట్ వ్యాప్తంగా ఇప్పటివరకు కరోనా సోకిన వారి సంఖ్య 1,20,232కి పెరిగింది. ఇందులో 1,11,440 మంది కోలుకున్నారు. ఆరోగ్య మంత్రిత్వ శాఖ అధికార ప్రతినిధి తెలిపిన వివరాల ప్రకారం ప్రస్తుతం కరోనా సోకి 8,052 మంది ఆస్పత్రుల్లో చికిత్స పొందుతున్నారు. ఇందులో 122 మంది పరిస్థితి ఆందోళనకరంగా ఉంది. మరోవైపు గడిచిన 24 గంటల్లో 7,853 మందికి కరోనా వ్యాధి నిర్ధారణ పరీక్షలు నిర్వహించామని, ఇప్పటివరకు 8,65,560 మందికి టెస్టులు జరిపినట్లు మంత్రిత్వ శాఖ అధికారిక ప్రతినిధి వివరించారు.