జెడ్డా:జెడ్డాలోని ఫ్రెంచ్ రాయబార కార్యాలయం భద్రతా సిబ్బందిపై దాడికి తెగబడిన వ్యక్తిని పోలీసులు అరెస్ట్ చేశారు. సౌదీకి చెందిన ఓ నలభై ఏళ్ల వ్యక్తి ఫ్రెంచ్ రాయబార కార్యాలయం ముందు దురుసుగా ప్రవర్తించాడని మక్కా రిజీయన్ పోలీస్ అధికార ప్రతినిధి ఘటన జరిగిన తీరును వివరించారు. ఎంబసీకి భద్రతను పర్యవేక్షిస్తున్న ప్రత్యేక బలగాల సిబ్బందిపై సౌదీ వ్యక్తి దాడికి దిగాడని, పదునైన ఆయుధంతో అటాక్ చేశాడని తెలిపారు. అయితే..వెంటనే అలర్టైన ఇతర సిబ్బంది అతన్ని అదుపులోకి తీసుకున్నారని చెప్పారు. దాడిలో గాయపడిన గార్డుకు స్వల్ప గాయాలు కావటంతో అతన్ని ఆస్పత్రికి తరలించినట్లు తెలిపారు.