ప్రముఖ సంగీత దర్శకుడు రాజమణి (60) కన్నుమూశారు. గత రాత్రి అస్వస్థతకు గురైన ఆయనను ఆస్పత్రికి తరలిస్తుండగా తుదిశ్వాస విడిచినట్లు కుటుంబసభ్యులు తెలిపారు. ప్రఖ్యాత సంగీత దర్శకుడు చిదంబరనాథ్‌ కుమారుడైన రాజమణి దాదాపు 70 మలయాళ చిత్రాలకు నేపథ్య సంగీతాన్ని అందించారు. 1985లో రాజమణి మలయాళ చిత్రసీమలో అడుగుపెట్టారు. నరసింహం, రావణప్రభు లాంటి సూపర్‌హిట్‌ సినిమాలకు సంగీతం సమకూర్చారు. కేరళ స్టేట్‌ ఫిలిం అవార్డు అందుకున్నారు. రాజమణి కుమారుడు అచ్చు తమిళ, తెలుగు సినీ పరిశ్రమలలో సంగీతదర్శకుడిగా పనిచేస్తున్నారు.