షార్జా: అతివేగంగా వెళ్లే వాహనాలను కట్టడి చేసేందుకు షార్జాలో 5 స్పీడ్ రాడార్లను ఏర్పాటు చేసినట్లు అధికారులు వెల్లడించారు. షీస్ నుంచి ఖోర్ ఫక్కన్ రహదారిలో ఈ రాడార్లను ఏర్పాటు చేశారు. నవంబర్ 2న రాడార్స్ ను ప్రారంభించినట్లు తెలిపారు. హైవేపై ఇరు వైపుల వెళ్లే వాహనాలు పరిమితికి మించి వేగంగా వెళ్తే..ఈ రాడార్లు పసిగట్టేస్తాయి. షార్జా రహదారిలో ఇటీవల వాహనాలు పరిమితికి మించి అతి వేగంగా వెళ్తున్నట్లు పలు ఫిర్యాదులు రావటంతో రాడార్లను ఏర్పాటు చేసినట్లు అధికారులు వివరించారు. హైవేపై అతివేగంగా వెళ్లే వాహనాలను పసిగట్టడంతో పాటు హైవేపై అనుమతి లేని ట్రక్కులు, భారీ వాహనాలను కూడా రాడార్లు గుర్తిస్తాయని వెల్లడించారు.