మనామా:చారిత్రాత్మక శాంతి ఒప్పందం తర్వాత బహ్రెయిన్, ఇజ్రాయెల్ మరో స్నేహపూర్వక అడుగు వేశాయి. ఇజ్రాయెల్ టూరిజం శాఖ మంత్రికి ఫోన్ చేసిన బహ్రెయిన్ పారిశ్రామిక, వాణిజ్య శాఖ మంత్రి..పర్యాటక రంగంలో పరస్పర సహకారంపై చర్చించారు. ఇరు దేశాల సత్సంబంధాలు పర్యాటక రంగ అభివృద్ధిలో సానుకూల ఫలితాలను సాధించేందుకు ఎంతగానో దోహదపడుతాయని విశ్వసిస్తున్నట్లు ఇరువురు మంత్రులు విశ్వాసం వ్యక్తం చేశారు. రెండు దేశాల మధ్య పర్యాటకుల రాకపోకలకు ఎలాంటి అవాంతరాలు తలెత్తకుండా ప్రయాణా నిబంధనలను సులభతరం చేసే అంశంపై కూడా చర్చలు కొనసాగాయి.