రియాద్:సౌదీ అరేబియాలో అరుదైన ఆపరేషన్ జరిగింది. ఓ మనిషి కడుపులో నుంచి 250 ఇనుప మేకులు..గాజు ముక్కలను తొలగించారు డాక్టర్లు. సకాలంలో గుర్తించి వాటిని తొలగించటంతో ప్రాణాపాయం తప్పంది. అయితే..బాధితుడికి మానసిక స్థితి సరిగ్గా లేదని..ఈ కారణంగానే అతను ఇనుప మేకులు, గాజు ముక్కలను మింగి ఉండొచ్చని భావిస్తున్నారు. ఇనుప మేకులను మింగటంతో అతనికి పొత్తి కడుపులో విపరీతమైన నొప్పి వచ్చినట్లు..ప్రాణాపాయ స్థితిలో ఆస్పత్రికి వచ్చినట్లు వైద్యులు వివరించారు. స్కాన్ చేసి పరీక్షించిన వైద్యలు కడుపులో కుప్పలుగా ఉన్న ఇనుప మేకులను చూసి ఆశ్చర్యపోయారు. వెంటనే ఆపరేషన్ నిర్వహించి మేకులను, గాజు ముక్కలను తొలగించటంతో అతనికి ప్రాణాపాయం తప్పింది. అయితే..అతని మానసిక స్థితి బాగలేదని, సైక్రియాట్రిక్ ట్రీట్మెంట్ అవసరమని వైద్యులు చెబుతున్నారు.