ఒమనైజేషన్ లక్ష్యసాధన, కార్మిక ప్రయోజనాలే లక్ష్యంగా కార్మిక చట్టాలపై ఒమాన్ సమీక్ష
- November 15, 2020లేబర్ మార్కెట్లో ప్రస్తుత సవాళ్లను ఎదుర్కొని..కార్మిక శక్తిని బలోపేతం చేసే దిశగా ఒమాన్ కార్మిక మంత్రిత్వ శాఖ చట్ట సవరణలపై సమీక్ష నిర్వహించింది. ప్రపంచ డిమాండ్ కు తగ్గట్లు ఉత్పత్తి సాధించటం, తద్వారా ప్రపంచదేశాలతో పోటీ పడటంతో పాటు కార్మికుల హక్కులు, ప్రయోజనాలకు మరింత భద్రత కల్పించేందుకు వీలుగా చట్టాలను సరళతరం చేయనుంది. అదే సమయంలో ఒమనైజేషన్ లక్ష్యాలకు అనుగుణంగా ప్రైవేట్ రంగంలో ఒమనీస్ కి గరిష్ట మొత్తం ఉపాధి కల్పించేందుకు అనువైన పరిస్థితులను నెలకొల్పేలా చట్టాలు, శాసనాధికారాలను సవరణ చేయనున్నట్లు తెలుస్తోంది. 2020-24 మధ్యంతర ఆర్ధిక ప్రణాళికలో భాగంగా గత వారమే ఒమనీయులకు ఉపాధి అవకాశాలను పెంచటం తమ ప్రధాన్యత అంటూ ఒమన్ స్పష్టత ఇచ్చిన విషయం తెలిసిందే. ఇక ప్రభుత్వ రంగంలో ఉద్యోగుల హక్కుల తరహాలోనే ప్రైవేట్ రంగంలోనూ కొన్ని వెసులుబాట్లు ఉండేలా ఒమాన్ కార్మిక మంత్రిత్వ శాఖ యోచిస్తోంది. కోవిడ్ నేపథ్యంలో చాలా కంపెనీలు తమ ఉద్యోగులకు ఎలాంటి నష్టపరిహారం చెల్లించకుండా అకస్మాత్తుగా తొలగించటం లేదా తాత్కాలిక సెలవుల మీద పంపించి వేయటం వంటి చర్యలు తీసుకున్న విషయం తెలిసిందే. దీంతో కార్మికుల పరిస్థితి దిక్కుతోచకుండా మారింది. ఇక నుంచి ఇలాంటి పరిస్థితులు తలెత్తకుండా ఏ కారణం చేతనైనా ఉద్యోగం నుంచి తొలగించాల్సి వస్తే కొంతమేర పరిహారం చెల్లించేలా చట్టసవరణ చేసే అంశంపై సమీక్షించింది. ఇక చంటిబిడ్డల తల్లులు, గర్భిణిలకు ప్రభుత్వ ఉద్యోగుల మాదిరిగా వేతనంతో కూడిన సెలవులు ఇచ్చేలా కూడా చట్టం తీసుకురాబోతోంది. అయితే..ప్రస్తుతం ఒమాన్ కార్మిక మంత్రిత్వ శాఖ సమీక్షలు...చట్టసవరణలతో ప్రయోజనం పొందేది మాత్రం ఒమాన్ పౌరులే. ఒమనైజేషన్ లక్ష్యాన్ని అందుకోవటం కూడా చట్టసవరణకు ఓ కారణం కానున్న నేపథ్యంలో...ప్రైవేట్ రంగంలో ప్రవాసీయులకు ఉపాధి అవకాశాలు తగ్గిపోనున్నాయి.
తాజా వార్తలు
- విదేశీ పర్యటనకు చంద్రబాబు
- షెడ్యూల్ కంటే ముందే మెట్రో స్టేషన్లు పునర్ ప్రారంభం
- జిలీబ్లో లిక్కర్ ఫ్యాక్టరీ సీజ్
- దుబాయ్ ఫ్లీ మార్కెట్ గురించి తెలుసా?
- మడా కార్డ్ మోసాల ఫిర్యాదుకు ఆన్లైన్ సేవ ప్రారంభం
- మహిళలు,వృద్ధుల సాధికారతకు ఒమన్ కృషి
- ఖతార్ ప్రెసిషన్ హెల్త్ ఇన్స్టిట్యూట్ కొత్త రికార్డు
- యాదాద్రి భక్తులకు డ్రెస్ కోడ్.. జూన్ 1 నుంచి అమల్లోకి..
- భారీగా పెరిగిన బ్రిటన్ ప్రధాని రిషి సునాక్ దంపతుల ఆస్తులు
- ఆదాయం పెంపు పై దృష్టి పెట్టిన సీఎం రేవంత్ రెడ్డి..