కువైట్ సిటీ:బ్రాండెడ్ పెర్ఫ్యూమ్ పేరుతో నకిలీ పెర్ఫ్యూమ్ తయారు చేస్తున్న ముఠాను కువైతీ వాణిజ్య అధికారులు పట్టుకున్నారు. వారి నుంచి మార్కెట్ చేయటానికి సిద్ధంగా ఉన్న రెండు వేల పెర్ఫ్యూమ్ బాటిల్స్ ను స్వాధీనం చేసుకున్నారు. అల్ ఫర్వానియాలో పెర్ఫ్యూమ్ తయారీకి అనుబంధంగా ఉన్న ఓ గోడౌన్ లో అధికారులు అకస్మిక తనిఖీలు నిర్వహించగా..నకిలీ ముఠా గుట్టు బయటపడింది. ఇంటర్నేషనల్ బ్రాండ్లతో పాటు ప్రాంతీయ బ్రాండ్ల పెర్ఫ్యూమ్ కు ఏ మాత్రం తీసిపోకుండా నకిలీ లేబుల్స్ తయారు చేసిన ముఠా...నాసిరకం పెర్ఫ్యూమ్ బాటిల్స్ కు బ్రాండెడ్ లేబుల్స్ వేసి మార్కెట్ చేస్తున్నట్లు అధికారులు గుర్తించారు. గోడౌన్ లోని బాటిల్స్ ను స్వాధీనం చేసుకొని ముఠా సభ్యులను అదుపులోకి తీసుకున్నారు.