బహ్రెయిన్: కోవిడ్ నేపథ్యంలో కేఫ్, రెస్టారెంట్లలో కస్టమర్స్ ఖచ్చితంగా భౌతిక దూరం పాటించేలా మార్గనిర్దేశకాలు జారీ చేసింది బహ్రెయిన్ ప్రభుత్వం. ఇక నుంచి రెస్టారెంట్లలో ఒక టేబుల్ కు గరిష్టంగా ఆరుగురిని అనుమతించాలని సూచించింది. ఇక టేబుల్ కు టేబుల్ కి మధ్య రెండు మీటర్ల దూరం ఉండాలని, నాలుగు వైపులా ప్రతి టేబుల్ కు 2 మీటర్లు ఉండాల్సిందేనని తెలిపింది. రెస్టారెంట్లు, కేఫ్ లలో పూర్తి స్థాయి సామర్ధ్యంలో 50 శాతానికి మించి ఉండకూడదని, ఈ లెక్కన ఒక్కో టేబుల్ మీద ఆరుగురిని అనుమతించొచ్చని వెల్లడించింది. అయితే..గతంలో ఒక్కో టేబుల్ మీద గరిష్టంగా ఐదుగురికి మాత్రమే అనుమతించిన విషయం తెలిసిందే.