కువైట్: షిప్పింగ్ మార్గాల ద్వారా కువైట్ లోకి ప్రవేశించే డ్రగ్స్ ను అడ్డుకోవడానికి అంతర్గత వ్యవహారాల మంత్రిత్వ శాఖ..  జనరల్ అడ్మినిస్ట్రేషన్ ఆఫ్ డ్రగ్ కంట్రోల్ మరియు జనరల్ అడ్మినిస్ట్రేషన్ ఆఫ్ కస్టమ్స్ తో కలిసి ఒక సంయుక్త ఆపరేషన్ నిర్వహించింది. 

ఈ క్రమంలో ఒక కొరియర్ కంపెనీ ద్వారా వచ్చిన పార్సిల్ లో అనుమానాస్పద డ్రగ్స్ ఉన్నట్లు అధికారులు గుర్తించారు. ఆ పార్సిల్ ను స్వీకరిస్తున్న సమయంలోనే జులైబ్ అల్-షుయూఖ్ ప్రాంతంలో ఒక బంగ్లాదేశీ జాతీయుడిని అరెస్టు చేశారు.  

పార్సిల్ ను తనిఖీ చేయగా, రసాయన డ్రగ్స్ తో తడిపిన 80 కాగితాలను గుర్తించారు. ఆ తర్వాత అనుమానితుడి నివాసంలో సోదాలు చేయగా, అవే రకానికి చెందిన ఇతర పేపర్లను స్వాధీనం చేసుకున్నారు.  ఆసియా దేశానికి చెందిన ఒక వ్యక్తి ఈ డ్రగ్ రాకెట్ వెనుక ఉన్నట్లు విచారణలో వెల్లడైంది.