దోహా: వరుస భూకంపాలతో అతాలకుతమైన వెనిజులాకు ఖతార్ ఆపన్నహస్తం అందించింది. అమీర్ షేక్ తమీమ్ బిన్ హమద్ అల్-థానీ ఆదేశాల మేరకు వెనిజులాకు ఒక 'ఎయిర్ బ్రిడ్జ్' ను ఏర్పాటు చేసింది.

అంతర్గత వ్యవహారాల మంత్రి మరియు అంతర్గత భద్రతా దళం (లేఖ్వియా) కమాండర్ షేక్ ఖలీఫా బిన్ హమద్ బిన్ ఖలీఫా అల్-థానీ సోషల్ మీడియాలో వెల్లడించిన వివరాల ప్రకారం, ఈ విమానంలో అంతర్గత భద్రతా దళానికి చెందిన 'ఖతార్ అంతర్జాతీయ సెర్చ్ మరియు రెస్క్యూ గ్రూప్' (Qatar International Search and Rescue Group)తో పాటు క్షేత్రస్థాయి ఆసుపత్రులు, వైద్య బృందాలు మరియు మానవతా సహాయ సామగ్రిని తరలించారు.

భూకంపాల బారిన పడిన వారిని రక్షించే అంతర్జాతీయ ప్రయత్నాలకు మద్దతు ఇవ్వడంతోపాటు ప్రభావిత ప్రాంతాలకు అత్యవసర వైద్య, మానవతా సహాయాన్ని అందించడం ఈ సహాయ కార్యక్రమం ముఖ్య ఉద్దేశ్యం అని ప్రకటించారు.