యూఏఈ: నేషనల్‌ సెంటర్‌ ఫర్‌ మిటియరాలజీ (ఎన్‌సి) వెల్లడించిన వివరాల ప్రకారం, ఉదయ వేళల్లో పొగ మంచు కారణంగా విజిబిలిటీ తక్కువగా వుంటుంది. తెల్లవారుఝామున 3 గంటల నుంచి ఉదయం 9.30 నిమిషాల వరకూ పొగమంచు ఎక్కువగా వుంటుంది. వాహనదారులు అప్రమత్తంగా వుండాలని అబుదాబీ పోలీస్‌ సూచించారు. పరిమిత వేగంతోనే వాహనాలు నడపాల్సి వుంటుంది. ఎలక్ట్రానిక్‌ బోర్డులపై సూచించిన వేగానికి లోబడి మాత్రమే వాహనాలు నడపాలి. కాగా, దేశంలో అత్యల్పంగా 11.2 డిగ్రీల సెంటీగ్రేడ్‌ ఉష్ణోగ్రత జబాల్‌ జైస్‌లో తెల్లవారు ఝామున 6.30 నిమిషాలకు నమోదయ్యింది. అత్యధికంగా 33 డిగ్రీలు నమోదైంది. రాత్రి వేళల్లో హ్యుమిడిటీ ఎక్కువగా వుంటుంది. అరేబియన్‌ గల్ఫ్ మరియు ఒమన్‌ సముద్రం ఓ మోస్తరుగా వుంటాయి.