దోహా:పల్లె సంస్కృతి, పాత తరాన్ని గుర్తు చేసే వస్తు సముదాయాలను ఇష్టపడే వారిని కతార్ ట్రెడిషనల్ ధౌ ఫెస్టివల్ మరోసారి స్వాగతం పలుకుతోంది. కతార బీచ్ వేదికగా డిసెంబర్ 1 నుంచి 5 వరకు ఈ ఫెస్టివల్ జరగనున్నట్లు కతార కల్చరల్ విలేజ్ ఫౌండేషన్ ప్రకటించింది. ఈ ఐదు రోజుల ఉత్సవంలో ఖతార్ తో పాటు కువైట్, ఒమన్, ఇరాక్, జన్జిబర్ కూడా తమ పల్లె సంస్కృతి ఉట్టిపడేలా పలు వస్తువులను ఫెస్టివల్ లో సందర్శకులకు అందుబాటులో తీసుకురానున్నారు. అంతేకాదు..సముద్ర తీర ప్రాంతాల సాంప్రదాయక కళలను ప్రదర్శించనున్నారు. సముద్రంతో ముడిపడిన తమ జీవన విధానాన్ని, తమ వారసత్వ సంస్కృతిని తెలిపేలా కల్చరల్ ప్రొగ్రామ్స్ నిర్వహిస్తారు. 

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)