మక్కా:పవిత్ర మక్కాలో ఓ యువతి మృతదేహం లభ్యమయ్యింది. నాలుగవ రింగ్‌ రోడ్డు సమీపంలో ఓ అనుమానాస్పద సూట్‌ కేసులో మహిళ మృతదేహాన్ని కనుగొన్నారు. మృతురాలి వయసు 24 సంవత్సరాలు వుంటుందనీ, ఆమె ఇండోనేసియా జాతీయురాలనీ అధికారులు తెలిపారు. పని నుంచి ఆమె గైర్హాజరయినట్లుగా స్పాన్సర్‌ నుంచి పోలీసులకు ఫిర్యాదు అందిందని అధికారులు పేర్కొన్నారు. ఈ హత్య కేసుని ఛేదించేందుకు పోలీసులు విచారణ ప్రారంభించారు. ఓ పౌరుడు, పెద్ద సూట్‌కేసుని అనుమానాస్పద స్థితిలో వుండగా కనుగొని పోలీసులకు సమాచారం అందించడంతో ఈ ఘటన వెలుగు చూసింది.