మనామా:ప్రపంచ వ్యాప్తంగా నెలకొన్న కరోనా సంక్షోభం ఆయా రంగాలపై తీవ్ర ప్రభావం చూపుతోన్న విషయం తెలిసిందే. కాగా, కరోనా ప్రభావంతో బహ్రెయిన్‌లో కొత్త అంతర్జాతీయ విమానాశ్రయం ప్రారంభోత్సవం ఎనిమిది నెలలుగా వాయిదా పడుతోంది. ఈ విషయాన్ని మినిస్టర్‌ ఆఫ్‌ ట్రాన్స్‌పోర్టేషన్‌ కమల్‌ అహ్మద్‌ వెల్లడించారు. బహ్రెయిన్‌ అంతర్జాతీయ విమానాశ్రయం, అధికారిక ప్రారంభోత్సవానికి సిద్దంగా వుందనీ, మార్చి నెలలోనే ఈ విమానాశ్రయాన్ని ప్రారంభించాల్సి వుందని అన్నారాయన. సరైన సమయం కోసం ఎదురుచూస్తున్నామనీ, పరిస్థితులు అనుకూలించిన వెంటనే ప్రారంభోత్సవం చేస్తామని ఆయన తెలిపారు. 210,000 చదరపు మీటర్ల వైశాల్యంలో 1.1 బిలియన్‌ డాలర్ల ఖర్చుతో ఏడాదికి 14 లక్షల మంది ప్రయాణీకులకు సేవలందించేలా ఈ ఎయిర్‌పోర్ట్‌ని నిర్మించారు.